• ជនជាតិវៀតណាមម្នាក់ និងគ្រឿងញៀនជាង ៣១គីឡូក្រាម ត្រូវសមត្ថកិច្ចជំនាញមន្ទីរប្រឆាំងគ្រឿងញៀន បង្ក្រាបនៅរាជធានីភ្នំពេញ
    ដោយ admin  ថ្ងៃទី 18 June, 2020  ម៉ោង 09:19 | សន្តិសុខ​សង្គម

    (ភ្នំពេញ)៖ យោងតាមគេហទំព័ររបស់អគ្គស្នងការដ្ឋាននគរបាលជាតិបានឱ្យដឹងថា នៅវេលាម៉ោង ១៤ និង០៥នាទី ថ្ងៃទី១៥ ខែមិថុនា ឆ្នាំ២០២០ កម្លាំងជំនាញ នៃមន្ទីរប្រឆាំងគ្រឿងញៀន(ក១០) នៃអគ្គស្នងការដ្ឋាននគរបាលជាតិ ដឹកនាំដោយ លោកឧត្តមសេនីយ៍ទោ សារី បុត្រសត្យា និងលោកវរសេនីយ៍ឯក យឹម សែនឧត្តម នាយករងមន្ទីរ ដោយមានការសម្របសម្រួលពីលោក គុជ គឹមឡុង ព្រះរាជអាជ្ញារងអម សាលាដំបូងរាជធានីភ្នំពេញ បានបើកកិច្ចប្រតិបត្តិការបង្រ្កាបបទល្មើសគ្រឿងញៀន នៅចំណុចផ្ទះលេខ ៥៧E1 ផ្លូវព្រះស៊ីសុវត្តិ សង្កាត់ចតុមុខ ខណ្ឌដូនពេញ។

    សមត្ថកិច្ចបានឃាត់ខ្លួនជនសង្ស័យម្នាក់ ឈ្មោះ NGUYEN NGOC QUI ភេទប្រុស កើត 28/09/1990 ជនជាតិ វៀតណាម កាន់អត្តសញ្ញាណប័ណ្ណ(វៀតណាម) លេខ 351862299 និងចាប់យកសារធាតុញៀន សរុបទម្ងន់ ៣១,៧០៥.០៦ ក្រាម រួមមាន ៖ ១-កេតាមីន រាវ (Ketamine) ៣០០០ដប ស្មើទម្ងន់ 31,650g, ២-កេតាមីន (Ketamine) ទម្ងន់ 4.48g, ៣-អ៊ិចស្តាស៊ី (MDMA) ស្មើទម្ងន់ 33.28 g, ៤-មេតំហ្វេតាមីន (ICE) ស្មើទម្ងន់ 4.09 g, ៥-មេតំហ្វេតាមីន (គ្រាប់) ទម្ងន់ 13.21g និងរថយន្ត ១គ្រឿង ទូរស័ព្ទដៃ ១ គ្រឿង។

    បច្ចុប្បន្នជនសង្ស័យ និងវត្ថុតាងចាប់យកខាងលើ សមត្ថកិច្ចជំនាញ បានកសាងសំណុំរឿងបញ្ជូនទៅសាលាដំបូងរាជធានីភ្នំពេញ នៅថ្ងៃទី១៨ ខែមិថុនា ឆ្នាំ២០២០នេះ តាមនីតិវិធី ៕

    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...
    shares