• រថយន្តកាមារីស៊េរី៩១ បើកបោះពួយល្បឿនពេកទៅបុករះគូទរថយន្តសាំយ៉ុង ២គ្រឿង បណ្ដាលឱ្យមនុស្ស ៣នាក់ រងរបួសធ្ងននៅស្រុកកោះអណ្ដែត
    ដោយ admin  ថ្ងៃទី 18 May, 2020  ម៉ោង 06:49 | សន្តិសុខ​សង្គម

    (ខេត្តតាកែវ)៖ ករណីគ្រោះថ្នាក់ចរាចរណ៍មួយបង្កឡើងដោយអ្នកបើកបររថយន្តកាមរីបើកបរលឿនជ្រុលទៅបុករថយន្តសាំយ៉ុងពីរគ្រឿង និងបង្កឱ្យមនុស្សរងរបួសចំនួនបីនាក់ កាលពីវេលាម៉ោង ២ និង៤៥នាទីរសៀល ថ្ងៃទី១៧ ខែឧសភា ឆ្នាំ២០២០ ម្សិលមិញនេះ នៅត្រង់ចំណុចខាងត្បូង ផ្លូវចូលវត្តព្រៃតូច ភូមិគោកដូង ស្រុកកោះអណ្ដែត ខេត្តតាកែវ។

    សមត្ថកិច្ចបានឱ្យដឹងថា រថយន្តម៉ាក កាមារី ស៊េរី១៩៩១ ពណ៌ទឹកប៊ិចចាស់ ពាក់ផ្លាកលេខ ភ្នំពេញ 2E-6219 អ្នកបើកបរឈ្មោះ សូ សីហា ភេទប្រុស អាយុ ៤១ឆ្នាំ រស់នៅភូមិព្រៃផ្ដៅ ស្រុកកៀនសាំង ខេត្តស្វាយរៀង។ អ្នករួមដំណើរឈ្មោះ អៀ ធីតា ភេទស្រី អាយុ ៤៣ឆ្នាំ ទីលំនៅភូមិព្រៃផ្ដៅ ស្រុកកៀនសាំង ខេត្តស្វាយរៀង បានធ្វើដំណើរពីត្បូង ទៅជើង បានជ្រុលទៅបុកគូទរថយន្តម៉ាក សាំយ៉ុង ពណ៌ស ពាក់ផ្លាកលេខ ភ្នំពេញ 2AP-1660 ស៊េរី២០០២ រួចបន្តរជ្រុលទៅបុករថយន្តមួយគ្រឿងទៀតម៉ាក សាំយ៉ុង ពណ៌លឿង ពាក់ផ្លាកលេខ ភ្នំពេញ 2AY-8370 ស៊េរី២០០០ បណ្ដាលឲ្យមនុស្សរងរបួសធ្ងន់ ៣នាក់ ។

    ក្រោយពេលកើតហេតុសមត្ថកិច្ច ចុះដល់ទីតាំងវាស់វែង យកវត្ថុតាងទៅរក្សាទុក នៅអធិការដ្ឋាននគរបាលស្រុក និងកសាងសំណុំរឿងទៅតាមនីតិវិធី ចំពោះជនរងគ្រោះ ត្រូវបានរថយន្តដឹកទៅសង្គ្រោះនៅមន្ទីរពេទ្យ៕


    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...
    shares