• បើករថយន្តទាំងងងុយដេក ទៅបុកឡានសាម៉ុយដឹកអ្នកជំងឺ របស់មន្ទីរពេទ្យព្រះកុសមៈ នៅភ្នំពេញ
    ដោយ admin  ថ្ងៃទី 26 March, 2020  ម៉ោង 08:59 | សន្តិសុខ​សង្គម

    (ភ្នំពេញ) នៅវេលាម៉ោង ១១និង៤៥នាទីថ្ងៃទី២៥ ខែមីនា ឆ្នាំ២០២០ ស្ថិតនៅតាមបណ្តោយផ្លូវR៦ ក្នុងសង្កាត់ស្រះចក ខណ្ឌដូនពេញ ។ រថយន្តតាក់ស៊ីមួយគ្រឿងបើកបរដោយបុរសម្នាក់ ស្ថិតក្នុងស្ថានភាពងងុយដេក បានទៅបុករថយន្តសាម៉ុយដឹកអ្នកជំងឺ របស់មន្ទីពេទ្យព្រះកុសម: បណ្តាលឱ្យរងការខូចខាត និងអ្នកជំងឺត្រូវបានលើកដាក់រថយន្តមួយគ្រឿងទៀត យកទៅសង្គ្រោះនៅមន្ទីពេទ្យកាល់ម៉ែត ភ្លាមៗ តៃកុងរថយន្តបង្កចុះគេចខ្លួនបាត់។

    សមត្ថកិច្ចបានឱ្យដឹងថា មុនពេលកើតហេតុគេឃើញរថយន្តបង្កម៉ាកសាំយ៉ុង ពណ៌សំបកឪឡឹក ពាក់ផ្លាកលេខ ភ្នំពេញ 2AF-5864 បើកបរដោយបុរសម្នាក់ទិសដៅត្បូងទៅជើង ស្ថិតក្នុងស្ថានភាពងងុយដេក លុះមកដល់ចំណុចកើតខាងលើផ្លូវបែកជាបួន(ភ្លើងស្តុប) បានជ្រុលទៅបុករថយន្តសាម៉ុយដឹកអ្នកជំងឺ ទិសដៅពីលិចទៅកើត បណ្តាលឱ្យរងការខូចខាតទាំងសងខាង រីឯអ្នកជំងឺត្រូវបានគេនាំគ្នាលើកដាក់រថយន្តមួយគ្រឿងទៀត ដើម្បីយកទៅសង្គ្រោះនៅមន្ទីពេទ្យកាល់ម៉ែត ភ្លាមៗ ។ ចំណែកតៃកុងរថយន្តតាក់ស៊ីបង្កបានរត់គេចបាត់ស្រមោលពីកន្លែងកើតហេតុតែម្តង ។

    សមត្ថកិច្ចមូលដ្ឋានបានទាក់ទងទៅខាងជំនាញចរាចរណ៍ក្រុង មកវាស់វែងធ្វើកំណត់ហេតុយករថយន្តទាំង ២គ្រឿង ទៅរក្សាទុក ដើម្បីស្វែងរកម្ចាស់រថយន្តបង្ក ឱ្យចូលខ្លួនដោះស្រាយតាមផ្លូវច្បាប់ ៕

    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...
    shares