• ករណីស្រ្តីម្នាក់ដួលសន្លប់នៅអគារ កាណាឌីយ៉ាមិនមែនដោយសារជំងឺ Covid-19 ទេ ជាករណីខ្យល់គរ ធម្មតា
    ដោយ admin  ថ្ងៃទី 5 March, 2020  ម៉ោង 12:57 | សន្តិសុខ​សង្គម

    (ភ្នំពេញ) ៖ លោក ម៉េត មាសភក្តី អ្នកនាំពាក្យសាលារាជធានីភ្នំពេញបានថ្លែងជូនដំណឹងដល់សាធារណជនឱ្យបានដឹងថាមានករណីស្រ្តីម្នាក់វិលមុខដួលសន្លប់នៅអគារកាណាឌីយ៉ាកាលពីម្សិលមិញ មិនមែនដោយសារជំងឺ Covid-19 ទេ ជាករណីខ្យល់គរធម្មតា ហើយបច្ចុប្បន្នកំពុងសម្រាកព្យាបាលនៅមន្ទីរពេទ្យកាល់ម៉ែត។

    លោក ម៉េត មាសភក្តី បានបញ្ជាក់ទៀតថា ស្រ្តីវិលមុខខ្យល់គរនោះមានឈ្មោះ សំ សុវណ្ណចរិយា ជាបុគ្គលិកបម្រើការងារនៅធនាគារកាណាឌីយ៉ា បានដួលសន្លប់នៅក្នុងបន្ទប់ទឹកនៃអគារកាណាឌីយ៉ា។

    គួបញ្ជាក់ថា នៅម៉ោង៣រសៀលថ្ងៃទី៥ ខែមីនា ឆ្នាំ២០២០នេះ ក្រសួងសុខាភិបាល នឹងរៀបចំសន្និសីទសារព័ត៌មានមួយ ដើម្បីបំភ្លឺសំណួរពាក់ព័ន្ធនឹងជំងឺ និងការធ្វើតេស្ត កូវីដ ១៩ (Covid-19) និងការដួលសន្លប់ ឬដួលស្លាប់ ដែលមហាជននាំគ្នាសង្ស័យថា ករណី ដួលសន្លប់ ឬដួលស្លាប់នោះដោយសារជំងឺ Covid-19៕

    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...
    shares