• បើករថយន្តលឿនដូចរន្ទះ ទៅបុកទ្រូងផ្លូវបាក់អស់២កង់កល់ទ្រូងទៅមុខលែងរួច ម្ចាស់បើកទ្វាររត់ប្រូច
    ដោយ admin  ថ្ងៃទី 4 March, 2020  ម៉ោង 07:14 | សន្តិសុខ​សង្គម

    (ភ្នំពេញ)៖ បើករថយន្តរហូតដល់បាត់ម្ចាស់ការបុកនឹងរបាំងចែកទ្រូងផ្លូវពេញទំហឹងបាក់អស់ ២កង់រថយន្តច្រឡោតទៅកល់ទ្រូងទៅមុខលែងរួច។ ហេតុការណ៍នេះ បានកើតទ្បើងកាលពីវេលាម៉ោង ១១យប់ថ្ងៃអង្គារទី៣ ខែមីនា ឆ្នាំ២០២០ ត្រង់ចំណុច មុខច្រកចូលផ្សារទួលគោក ក្នុងភូមិ១៦ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។

    បុរសប្រជាការពារម្នាក់ បាននិយាយឱ្យដឹងថា គាត់បានឃើញរថយន្តម៉ាក ហាយឡែនឌ័រ ពណ៌ទឹកប្រាក់ ពាក់ផ្លាកលេខ ភ្នំពេញ 2AC-4668 ធ្វើដំណើរតាមបណ្ដោយផ្លូវ ២៨៩ ពីត្បូងទៅជើង ក្នុងល្បឿនយ៉ាងលឿន។ លុះមកដល់ចំណុចកើតហេតុ ស្រាប់តែរេចង្កូតមកខាងឆ្វេងដៃ ជ្រុលទៅបុករបាំងថ្មពុះចែកទ្រូងផ្លូវ បណ្ដាលឱ្យបាក់អស់ ២កង់ រួមទាំងភ្លើងដែលគេដាក់សម្គាល់ទ្រូងផ្លូវ បាក់អស់មួយដើមទៀត។ ចំណែករថយន្តកល់ជាប់ ហើបកង់ក្រោយទៅមុខលែងរួច ដោយខូចខាតផ្នែកខាងមុខយ៉ាងដំណំ តែសំណាងល្អ មិនបង្កឲ្យនរណាម្នាក់រងរបួសនោះទេ។

    ភ្លាមៗនោះ គេឃើញតៃកុងរថយន្ត បានបើកទ្វារចុះរត់គេចខ្លួនបាត់។ ក្រោយកើតហេតុសមត្ថកិច្ចជំនាញ បានចុះមកវាស់វែង ស្ទូចយករថយន្តបង្ក ទៅរក្សាទុក រង់ចាំដោះស្រាយតាមផ្លូវច្បាប់៕

    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...
    shares