• ឃាត់ខ្លួនចោរឆក់ទូរស័ព្ទ២នាក់ បញ្ជូនទៅតុលាការ
    ដោយ admin  ថ្ងៃទី 30 November, 2019  ម៉ោង 11:55 | សន្តិសុខ​សង្គម

    (ភ្នំពេញ) ៖ កម្លាំងនគរបាលសង្កាត់ព្រែកថ្មី បានឃាត់ខ្លួន ជនសង្ស័យ២នាក់ បន្ទាប់ពីធ្វើសកម្មភាពឆក់ទូរស័ព្ទដៃរបស់ប្រជាពលរដ្ឋផ្ទះបានសម្រេច ហើយព្យាយាមរត់គេចខ្លួន ក៏ត្រូវជនរងគ្រោះស្រែកឆោឡោផ្អើលឡើង សមត្ថកិច្ចមូលដ្ឋានកំពុងជិះល្បាតប្រទះឃើញ នាំគ្នាដេញតាមចាប់បានភ្លាមៗ។ ករណីចោរឆក់នេះ បានកើតឡើងកាលពីថ្ងៃទី២៨ ខែវិច្ឆិកា ឆ្នាំ២០១៩ នៅមុខផ្ទះគ្មានលេខ ផ្លូវ៣៦៩ ភូមិ ចំពុះក្អែក សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។

    សមត្ថកិច្ចបានឱ្យដឹងថា ជនសង្ស័យមានឈ្មោះ ទី១- ថោង សុថារ័ត្ន ភេទប្រុស អាយុ២១ ឆ្នាំ ជាតិខ្មែរ មុខរបរមិនពិតប្រាកដ ស្នាក់នៅ ភូមិមិត្តភាព១ សង្កាត់ព្រែកឯង ខណ្ឌច្បារអំពៅ (មានប្រើប្រាស់ថ្នាំញៀន) និង២-ឈ្មោះ ជេត គង់ជីវ័ន្ត ភេទប្រុស អាយុ១៦ឆ្នាំ ជាតិខ្មែរ មុខរបរសិស្ស ស្នាក់នៅ ភូមិចុងព្រែក សង្កាត់ព្រែកឯង ខណ្ឌច្បារអំពៅ ។ ជនសង្ស័យត្រូវសមត្ថកិច្ចល្បាតឃើញប្រដេញចាប់ខ្លួនបាននៅលើកំណាត់ផ្លូវជាតិលេខ១ ភូមិដើមស្លែង សង្កាត់ច្បារអំពៅទី២ ខណ្ឌច្បារអំពៅ ។ ចំណែកជនរងគ្រោះឈ្មោះជូ ចាន់រ៉ា ភេទស្រី អាយុ ២៩ឆ្នាំ ជាតិខ្មែរ មុខរបរជាងអ៊ុតសក់ ស្នាក់នៅ ផ្ទះជួល សង្កាត់ទឹកល្អក់៣ ខណ្ឌទួលគោក។

    សមត្ថកិច្ចដកហូតម៉ូតូ១គ្រឿងម៉ាក Beat ពណ៌ផ្កាឈូកលាយស ពាក់ស្លាកលេខភ្នំពេញ 1HT-9809 របស់ជនសង្ស័យជិះធ្វើសកម្មភាព និងទូរស័ព្ទ១គ្រឿងរបស់ជនរងគ្រោះ ។ ជនសង្ស័យទាំង០២នាក់ រួមនឹងវត្ថុតាង សមត្ថកិច្ចបញ្ជូនមកអធិការដ្ឋានខណ្ឌច្បារអំពៅ ដើម្បីកសាងសំណុំរឿងចាត់ការតាមច្បាប់ ៕

    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...
    shares