• អគ្គស្នងការដ្ឋាននគរបាលជាតិបញ្ជាឱ្យយនគរបាលចរាចរណ៍ទូទាំប្រទេស ចាប់ ផ្តើមយុទ្ធនាការជំរុញការពាក់មួកសុវត្ថិភាព, អ្នកមិនពាក់មួកសុវត្ថិភាពនឹងត្រូវឃាត់តម្រូវឱ្យរកមួកសុវត្ថិភាពមកពាក់រួចទើបអនុញ្ញាតឱ្យបន្តដំណើរ
    ដោយ admin  ថ្ងៃទី 19 July, 2019  ម៉ោង 16:00 | សន្តិសុខ​សង្គម

    (ភ្នំពេញ)៖ អនុវត្តតាមការណែនាំ របស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិ ការជាតិសុវត្ថិភាពចរាចរណ៍ផ្លូវគោកក្នុងការកាត់បន្ថយចំនួនជនរងគ្រោះដែលស្លាប់ និងរបួសដោយសារគ្រោះថ្នាក់ចរាចរណ៍ នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ បានដាក់ ចេញនូវបទបញ្ជាឱ្យនគរបាលចរាចរណ៍ទូទាំងប្រទេស ចាប់ផ្តើមចាត់ វិធានការជំរុញការពាក់មួកសុវត្ថិភាពដល់អ្នកជិះទោចក្រយានយន្ត និងអ្នក បើកបរត្រីចក្រយានយន្តគ្រប់រូប ។

    វិធានការនេះនឹងអនុវត្តនៅទូទាំងប្រទេស ចាប់ពីថ្ងៃទី១៩ ខែកក្កដា ឆ្នាំ២០១៩ដោយធ្វើការឃាត់ តម្រូវ ឱ្យរកមួកសុវត្ថិភាពមកពាក់ រួចទើបអនុញ្ញាតឲ្យបន្តដំណើរ ដោយមិន ពិន័យរយៈ ពេល១ខែ គិតពីថ្ងៃទី១៩ ខែកក្កដា ឆ្នាំ ២០១៩។

    វិធានការនេះជាការឆ្លើយតបទៅនឹង កំណើនជនរងគ្រោះថ្នាក់ចរាចរណ៍ ដែលភាគច្រើនមានដល់ទៅ៧៦% ជាអ្នកជិះម៉ូតូ ក្នុងនោះមានចំនួន៧៩% មិនពាក់មួកសុវត្ថិភាពពេលមានគ្រោះថ្នាក់ ហើយដែលត្រូវរងការ ប៉ះទង្គិចក្បាល។

    ជាមួយគ្នានេះ ឯកឧត្តម នាយឧត្តមសេនីយ៍ សន្តិបណ្ឌិតអគ្គស្នងការ នគរបាលជាតិ បានអំពាវនាវដល់បងប្អូនប្រជាពលរដ្ឋ ដែលធ្វើដំណើរតាមដងផ្លូវ ពិសេសអ្នកបើកបរម៉ូតូ និងអ្នករួមដំណើរសូមគោរពច្បាប់ចរាចរណ៍ បើកបរដោយពាក់មួកសុវត្ថិភាពគ្រប់ពេល និងគ្រប់ទីកន្លែង ដើម្បីការពារភាពប៉ះទង្គិចក្បាល ឬ ការពារជីវិតអ្នកពីគ្រោះថ្នាក់ចរា ចរណ៍៕

    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...
    shares