• ស្លាប់ និងរបួសធ្ងន់ ៦នាក់ ករណីគ្រោះថ្នាក់ចរាចរណ៍ ៣លើក នៅខេត្តពោធិ៍សាត់
    ដោយ admin  ថ្ងៃទី 14 July, 2019  ម៉ោង 10:46 | សន្តិសុខ​សង្គម

    (ខេត្តពោធិ៍សាត់)៖ ក្នុងករណីគ្រោះថ្នាក់ចរាចរណ៍បីលើកផ្សេងគ្នា ដែលបានឡើងទូរទាំងខេត្តពោធិិ៍សាត់ បុរសម្នាក់បានស្លាប់បាត់បង់ជីវិតភ្លាមៗ និងចំនួន ៥នាក់ផ្សេងទៀតបានរងរបួសធ្ងន់ជាបន្តបន្ទាប់។

    ប្រភពព័ត៌មានពីផ្នែកសណ្ដាប់ធ្នាប់នៃអធិការដ្ឋាននគរបាលក្រុងប្រាប់ថា នៅល្ងាចថថ្ងៃទី១២ ខែកក្កដា ឆ្នាំ២០១៩ នៅលើកំណាត់ផ្លូវថ្នល់កៅស៊ូមាត់ស្ទឹងពោធិ៍សាត់ត្រើយខាងលិច ស្ថិតក្នុងភូមិពោធិ៍តាគួយ សង្កាត់លលកស ក្រុងពោធិ៍សាត់ បង្កឡើងដោយអ្នកបើកបររថយន្តម៉ាក Ranrover ពណ៌ស ពាក់ស្លាកលេខ 2AX -2323 ឈ្មោះ ឯក តើ ភេទប្រុស អាយុ៣២ឆ្នាំ ជនជាតិខ្មែរ មុខរបរមេការខារ៉ាអូខេ(ស្លាមាស) មានទីលំនៅភូមិបាក់រទេះ សង្កាត់ព្រៃញី ក្រុងពោធិ៍សាត់ បើកបរក្នុងទិសដៅពីជើងឆ្ពោះទៅទិសខាងត្បូង។ លុះដល់កន្លែងកើតហេតុបានរេចង្កូតបុកអ្នកជិះម៉ូតូបញ្ច្រាសទិសគ្នា ធ្លាក់ចូលស្នាមភ្លោះទាំងម៉ូតូទាំងរថយន្ត បណ្ដាលឱ្យភាគីខាងម៉ូតូរបួសធ្ងន់ ។

    ចំណែកប្រភពពីនគរបាលស្រុកភ្នំក្រវាញឱ្យដឹងដែរថា នៅយប់ថ្ងៃទី១៣ ខែឆ្នាំដដែល នៅលើកំណាត់ផ្លូវថ្នល់ជាតិលេខ៥៥ ត្រង់ចំណុចដំណាក់ឈើក្រម ស្ថិតក្នុងភូមិព្រែក១ ឃុំសំរោង ស្រុកភ្នំក្រវាញ ក៍មានករណីគ្រោះថ្នាក់ចរាចរណ៍ម្ដងទៀតបានកើតឡើង រវាងអ្នកជិះម៉ូតូ និងរថយន្តបើកបត់ឆ្វេងដៃបញ្ច្រាសទិសគ្នា បណ្ដាលឱ្យភាគីបើកបរម៉ូតូរបួសធ្ងន់ និងអ្នករួមដំណើរស្លាប់ភ្លាមៗ ។

    ដោយឡែក ប្រភពពីនគរបាលស្រុកក្រគរឯនេះវិញ នៅវេលាម៉ោង៤ និង៣០នាទីទាបភ្លឺ ថ្ងៃទី១៤ ខែឆ្នាំដដែល នៅលើកំណាត់ផ្លូវថ្នល់ជាតិលេខ៥ ស្ថិតក្នុងភូមិឈើទាលខ្ពស់ ឃុំក្បាលត្រាច ស្រុកក្រគរ មានករណីគ្រោះថ្នាក់ចរាចរណ៍ម្ដងទៀតបានកើតឡើង បង្កឡើងដោយអ្នកបើកបររថយន្តម៉ាក FUSO ពណ៌ស្វាយ ពាក់ស្លាកលេខ តាកែវ 3A -0869 ធ្វើចរាចរណ៍ក្នុងទិសដៅពីកើតឆ្ពោះទៅទិសខាងលិច ជ្រុលបុកគូថរថយន្តដឹកអ្នកដំណើរពេញទំហឹង បណ្ដាលឱ្ុរងរបួសធ្ងន់ចំនួន ៣នាក់ ។

    ប្រភពព័ត៌មានខាងលើបញ្ជាក់បន្ថែមទៀតថា ចំពោះករណីគ្រោះថ្នាក់ចរាចរណ៍ទាំងចំនួន ៣លើក ដែលបានកើតឡើងមន្រ្ដីជំនាញចរាចរណ៍ផ្លូវគោកកំពុងមមាញឹកដើម្បីបន្តនីតិវិធី ៕

    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...
    shares