• រថយន្តដឹកឈើល្មើសច្បាប់ចំនួន ៤គ្រឿង ត្រូវបានបំផ្លាញចោលនៅក្នុងព្រៃ ដោយប្រើម្សៅ TNT ចំណែករថយន្ត ៤០គ្រឿងផ្សេងទៀត នឹងកំទេចចោលនៅពេលក្រោយ!
    ដោយ admin  ថ្ងៃទី 10 July, 2019  ម៉ោង 16:59 | សន្តិសុខ​សង្គម

    (ខេត្តមណ្ឌលគិរី)៖ នៅរសៀលថ្ងៃពុធ ទី១០ ខែកក្កដា ឆ្នាំ២០១៩នេះ រថយន្តដឹកឈើល្មើសច្បាប់ចំនួន០៤គ្រឿង ដែលរកឃើញនៅក្នុងព្រៃជ្រៅ ស្ថិតក្នុងកស្រុកកោះញែក ខេត្តមណ្ឌលគិរី ត្រូវបានកម្លាំងគណៈកម្មការជាតិ ដើម្បីទប់ស្កាត់ និងបង្ក្រាបបទល្មើស ធនធានធម្មជាតិធ្វើការកម្ទេចចោលនៅនឹងកន្លែងតែម្តង។

    លោកឧត្តមសេនីយ៍ត្រី អេង ហ៊ី អ្នកនាំពាក្យគណៈកម្មការជាតិ ដើម្បីទប់ស្កាត់ និងបង្ក្រាបបទល្មើស ធនធានធម្មជាតិ បានថ្លែងថា រថយន្តដឹកឈើនៅក្នុងព្រៃចំនួន ៤គ្រឿង ដែលរកឃើញនៅក្នុងព្រៃ ត្រូវធ្វើការបំផ្លាញចោលតែម្តង ដោយប្រើម្សៅ TNT។ ដោយឡែករថយន្តល្មើសជាង ៤០គ្រឿងទៀត ដែលត្រូវបានបង្ក្រាប និងរឹបអូសផងដែរនោះ រង់ចាំការកាត់ និងបំផ្លាញចោលនៅពេលក្រោយ។

    ដោយឡែកសំណុំរឿងនៃការចាប់ខ្លួនលោកឧកញ៉ា ស៊ឹង សំអុល មេឈ្មួញបំផ្លាញព្រៃឈើនិងបក្ខពួក៣នាក់ផ្សេងទៀត ដែលចាប់ខ្លួនផងដែរនោះ ត្រូវបានលោកឧត្តមសេនីយ៍អ្នកនាំពាក្យអះអាងថា អាចផ្ទេរមកកាន់សាលាដំបូងរាជធានីភ្នំពេញ ដើម្បីចាត់ការបន្ត៕

    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...
    shares