• ទីបំផុតនៅព្រឹកស្អែកនេះ ឪពុកនឹងនាំកូនស្រី យិន ម៉ាណា ដែលបើករថយន្តបុកនិស្សិតឆ្នើមស្លាប់ ទៅប្រគល់ជូនសមត្ថកិច្ច!
    ដោយ admin  ថ្ងៃទី 28 March, 2019  ម៉ោង 19:03 | សន្តិសុខ​សង្គម

    (ភ្នំពេញ)៖ ទីបញ្ចប់ នៅព្រឹកថ្ងៃទី២៩ ខែមីនា ឆ្នាំ២០១៩ នេះ ឪពុកជនបង្កនឹងនាំកូនស្រីឈ្មោះ យិន ម៉ាណា ដែលជាអ្នកបើករថយន្ត Rang Rover បុកនិស្សិតឆ្នើមឈ្មោះ ឌុំ រីដា ស្លាប់នោះយកទៅប្រគល់ជូនសមត្ថកិច្ច នៅស្នងការដ្ឋាននគរបាលរាជធានីភ្នំពេញ ដើម្បីទទួលខុសត្រូវចំពោះមុខច្បាប់ នេះបើយោងតាមមេធាវីក្រុមគ្រួសារជនបង្កប្រាប់បណ្តាញព័ត៌មាន នៅរសៀលថ្ងៃទី២៨ ខែមីនា ឆ្នាំ២០១៩។

    ការប្រកាសនាំកូនស្រីទៅប្រគល់ជូនសមត្ថកិច្ចនេះ បានធ្វើឡើងបន្ទាប់ពីលោក យិន ង្គិច ជាឪពុកបានសារភាពនៅចំពោះមុខសមត្ថកិច្ចថា កូនស្រីរបស់លោកឈ្មោះ យិន ម៉ាណា គឺពិតជាអ្នកបើកបររថយន្ត Range Rover ពាក់ផ្លាកលេខភ្នំពេញ 2AF-7777 បុកនិស្សិតស្រី ឌុំ រីដា ពិតប្រាកដមែន។

    សូមបញ្ជាក់ថា កាលពីរសៀលថ្ងៃទី២៦ ខែមីនា ឆ្នាំ២០១៩ មានរថយន្ត Rang Rover ផ្លាកលេខភ្នំពេញ 2AF-7777 មួយគ្រឿង បានបើកលឿន ទៅនិស្សិតឆ្នើមម្នាក់ នៅលើផ្លូវលេខ៣១៧ កែងនឹងផ្លូវលេខ៥២៨ ក្នុងសង្កាត់បឹងកក់ទី១ ខណ្ឌទួលគោក ខណៈជនរងគ្រោះកំពុងជិះម៉ូតូ បណ្តាលឲ្យទាំងម៉ូតូ និងមនុស្សប៉ើង ស្លាប់ភ្លាមៗនៅកន្លែងកើតហេតុ។

    នារីរងគ្រោះមានឈ្មោះ ឌុំ រីដា អាយុ២២ឆ្នាំ ស្រុកកំណើតភូមិកំពង់ដំរី ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល ជាសិស្សពូកែទូទាំងប្រទេស ខាងអក្សរសាស្រ្តខ្មែរ ហើយខិតខំប្រឹងប្រែងរៀនសូត្រ រហូតទទួលបានអាហារូបករណ៍នៅសាលា “ផារ៉ាហ្គន”។

    ចំណែកជនបង្កត្រូវបានសមត្ថកិច្ចបង្ហាញអត្តសញ្ញាណហើយ ដោយនាង មានឈ្មោះ យិន ម៉ាណា ជាកូនស្រីរបស់ លោក យិន ង្គិច ដែលបានលាក់ខ្លួន រយៈពេល២ថ្ងៃមកហើយ ដោយឱ្យឪពុកចេញដោះស្រាយជំនួស៕

    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...
    shares