• ​ព្រៃឈើ​ខ្មែរ​វិនាស​ហិនហោច​ជា​រៀងរាល់ថ្ងៃ ដោយសារ​ក្រុមហ៊ុន លឹម​រ៉ូយ៉ាល់ និង​ពួក​ឈ្មួញ​មាន​អាងខ្នង​អ្នកមានអំណាច ដឹក​ញ្ជូ​ន​ទៅ​វៀតណាម​គ្មាន​លោះ​ថ្ងៃ តាម​ច្រក​ត្រពាំង​ស្រែ ស្រុក​ស្នួល ខេត្តក្រចេះ

    លោក​ផ្កាយ​១ នេ​ត សំ​អាត់ អនុប្រធាន​ការិយាល័យ​ទំនាក់ ទំនង​ព្រំដែន​ផឹកស៊ី​ស្រវឹង ខឹង​ក្មេងស្រី​រត់​តុ មិន​អង្គុយ​កំដរ​មិត្តភក្តិ​ទាញ​ចានចង្កឹះ​គប់​ចំក្បាល​បែក​ហូរឈាមកក្លាក់​ ​ត្រូវបាន​ដក​បញ្ឈរជើង តែ​មហាជន​សំណូមពរ​ឱ្យ​បញ្ជូនទៅ​តុលាការ !

    លោក កែវ វ៉ា​ន្នី ប្រធាន​សាខាគយ​ខេត្តតាកែវ លួច​បង្កើត​ប៉ុស្តិ៍​គយ​ចល័ត​២​កន្លែង ប្រមូល​លុយ​ពី​ឈ្មួញ​ដឹកទំនិញ​គ្រប់​ប្រភេទ​ពី​វៀតណាម ភូតភរ​ថ្នាក់លើ​ថា ត្រួតពិនិត្យ​ទំនិញគេចពន្ធ​!

    ក្រុម​អ្នក​រត់ការ​នាំចូល​ទំនិញ​តាម​ច្រក​ព្រលានយន្តហោះ​អន្តរជាតិ​ភ្នំពេញ អំពាវនាវ​ឱ្យ អគ្គនាយកដ្ឋាន​គយ ជួយ​លុប​ជួយ​បំបាត់ កោសរូស​ទារលុយ​ក្រោម​តុ​នៅ​ការិយាល័យ​គយ និង​រដ្ឋាករ​អាកាសយា​ន​ដ្ឋា​ន​អន្តរជាតិ​ភ្នំពេញ

  • ជិះម៉ូតូឌុបគ្នា រថយន្តបុកពីក្រោយស្លាប់ម្តាយភ្លាម ឪពុកនិងកូនស្លាប់តាមក្រោយជាបន្តបន្ទាបពេលបញ្ជូនទៅមន្ទីរពេទ្យ
    ដោយ ខ្មែរអង្គរ  ថ្ងៃទី 27 November, 2017  ម៉ោង 16:20 | សន្តិសុខ​សង្គម

    ខេត្តពោធិ៍សាត់៖ បុរសម្នាក់មិនស្គាល់អត្តសញ្ញាណម្នាក់បើករថយន្តម៉ាក ISUSU បុកអ្នកជិះម៉ូតូឌុបគ្នា ៣នាក់ឪពុកម្ដាយ និងកូនពីក្រោយពេញទំហឹង បណ្ដាលឲ្យស្លាប់ម្ដាយភ្លាមៗនៅនឹងកន្លែងកើតហេតុ ចំណែកឪពុក និងកូនបានស្លាប់ជាបន្តបន្ទាប់នៅតាមផ្លូវគ្រាពេលបញ្ជូនទៅសង្រ្គោះ នៅលើកំណាត់ផ្លូវជាតិលេខ៥៥។ ករណីគ្រោះថ្នាក់ចរាចរណ៍ដ៍រន្ធត់ខាងលើ បានកើតឡើងនៅវេលាម៉ោង៧ និង៤៩នាទីព្រឹក ថ្ងៃទី២៧ ខែវិច្ឆិកា ឆ្នាំ២០១៧ នៅលើកំណាត់ផ្លូវជាតិលេខ៥៥ ត្រង់ចំណុចម្តុំស្ថានីយ៍ប្រឹងឥន្ធនៈតេលា ស្ថិតក្នុងភូមិអង្រ្កង ឃុំសំរោង ស្រុកភ្នំក្រវាញ ខេត្តពោធិ៍សាត់។

    នគរបាលសណ្ដាប់ធ្នាប់នៃអធិការដ្ឋាននគរបាលស្រុកភ្នំក្រវាញបានឲ្យដឹងថា មុនដំបូងគេឃើញរថយន្ត ១គ្រឿងម៉ាក ISUSU ចង្កូតឆ្វេង ប្រភេទមួយបាំងកន្លះ ពណ៌ទឹកប្រាក់ ពាក់ស្លាកលេខ ពោធិ៍សាត់ 2A 1384 (រត់ឈ្នួលស្រុកវាលវែង ខេត្តពោធិ៍សាត់) ធ្វើចរាចណ៍ពីលិចឆ្ពោះទៅទិសខាងកើត លុះដល់ចំណុចកើតហេតុស្រាប់តែជ្រុលបុកអ្នកជិះម៉ូតូឌុបគ្នា ៣នាក់ពីក្រោយពេញទំហឹង ខណៈដែលកំពុងធ្វើដំណើរចរាចរណ៍ស្របទិសគ្នា(លិចកើត) បណ្ដាលឲ្យស្លាប់ និងរបួសធ្ងន់រដូករណេលនៅលើផ្លូវយ៉ាងរន្ធត់។

    ប្រភពព័ត៌មានខាងលើបន្តថា ជនរងគ្រោះឈ្មោះ មុត ស្ងួន ភេទប្រុស អាយុ ៤៧ឆ្នាំ ជនជាតិខ្មែរ បច្ចុប្បន្ន រស់នៅភូមិអង្គ្រង ឃុំសំរោង ស្រុកភ្នំក្រវាញ(ស្លាប់តាមផ្លូវនៅពេលបញ្ជូនមកមន្ទីរពេទ្យ)ជាអ្នកបើកបរម៉ូតូម៉ាក ហុងដាឌ្រីម សេ១០០ ពណ៏ក្រហម គ្មានស្លាកលេខ និងអ្នករួមដំណើរទី១ ឈ្មោះ កែវ ឌី ភេទប្រុស អាយុ ៥៥ឆ្នាំ ជនជាតិខ្មែរ រស់នៅភូមិ.ឃុំជាមួយគ្នា ជាឥពុកចុង(ស្លាប់តាមផ្លូវនៅពេលបញ្ជូនមកមន្ទីរពេទ្យដែរនោះ) និងទី២ ឈ្មោះ អុី ផល អាយុ ៦៧ឆ្នាំ ត្រូវជាម្ដាយបង្កើត(ស្លាប់នៅនឹងកន្លែង)។

    ប្រភពបន្តទៀតថា ករណីគ្រោះថ្នាក់ចរាចរណ៍ដ៍រន្ធត់នេះ ជនបើកបររថន្តម៉ាក ISUSU បង្កហេតុបានរត់គេចខ្លួន ចំណែកវត្ថុតាងរថយន្តបង្ក និងម៉ូតូរបស់ជនរងគ្រោះ បានយកមករក្សាទុកជាបណ្ណោះអាសន្ននៅផ្នែកសណ្ដាប់ធ្នាប់នៃអធិការដ្ឋាននគរបាលស្រុកភ្នំក្រវាញ ដើម្បីរងចាំធ្វើការដោះស្រាយគ្នាតាមផ្លូវច្បាប់៕

    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...