• លោក​ឧ​ត្ត​ម​សេនីយ៍​ត្រី សួស សុខ​ដា​រ៉ា ប្រើ​អំណាច​ជា​អ្នក​កាន់​បា​រ៉ា​ស​ព្រំដែន បង្ខំ​ឱ្យ​ឈ្មួញ​បង់លុយ​ក្បាល​ឡាន​ឆៅៗ​ពេលខ្លះ​ខ្លាំង​ជាង​ជំនាញ​គយ​ប្រមូល​ពន្ធ​ចូល​រដ្ឋ​ទៅទៀត​!

    លោក អ៊ុយ វិត រង​ការ​រិះគន់ថា កំពុង​គៃបន្លំ​យកប្រាក់​ពន្ធ​រដ្ឋ​ដោយ​ចាត់តាំង​ឱ្យ​បក្ខពួក ប្រ​លុយ​ក្រោម​តុ ពី​ឈ្មួញ​នាំចូល​ទំនិញ​ពី​ប្រទេស​ថៃ​ចូល​តាម ច្រក​ភ្នំ​ដី និង​ច្រករបៀង​

    លោក កែវ វ៉ា​ន្នី ប្រធាន​សាខាគយ​ខេត្តតាកែវ លួច​បង្កើត​ប៉ុស្តិ៍​គយ​ចល័ត​២​កន្លែង ប្រមូល​លុយ​ពី​ឈ្មួញ​ដឹកទំនិញ​គ្រប់​ប្រភេទ​ពី​វៀតណាម ភូតភរ​ថ្នាក់លើ​ថា ត្រួតពិនិត្យ​ទំនិញគេចពន្ធ​!

  • បង្ក្រាប​ទីតាំង​ស្ដុក​ឈើ​ប្រណីត​លោតឆ័ត្រ​របស់​ឈ្មួញ​ដុះ​ស្លែ​ជនជាតិ​វៀតណាម​នៅ​ក្រុង​បាន​លុង

    ​​ខេត្តរតនគិរី​៖ ទីតាំង​ផ្ទះជួល​មួយកន្លែង​ឈ្មួញ​វៀតណាម​បាន​យក​ធ្វើជា​កន្លែង​ស្តុក​ឈើ​ធ្នង់ និង​គ្រញូង​លោតឆ័ត្រ ត្រូវបាន​សមត្ថកិច្ច​ចម្រុះ​ចុះបង្ក្រាប ស្ថិតនៅ​ខាងក្រោយ វិទ្យាល័យ​សម្តេចឪ​-​សម្តេចម៉ែ ក្នុងភូមិ​អភិវឌ្ឍន៍ សង្កាត់ ឡា​បាន​សៀក ក្រុង​បាន​លុង ដែល​ឈ្នួ​ញ​ដុះ​ស្លែ​នេះ​បាន​ចុះមក​ប្រមូល​ទិញ​រាប់​ឆ្នាំ​មកហើយ​ទើប តែ​ពេលនេះ យីអ៊ុន​ដាក់​។ ការបង្ក្រាប​ឈ្មួញ​វៀតណាម​ជួញដូរ​ឈើ​នេះ​ធ្វើឡើង​កាលពី​ល្ងាច​ថ្ងៃទី​១២ ខែកញ្ញា ឆ្នាំ​២០១៧​នេះ ដោយ​ដកហូត​បាន​ឈើ​ប្រណីត​ប្រភេទ​ឈើ​ធ្នង់ និង​ឈើ​ក្រញូង​ជាច្រើន​ដុំ ព្រមទាំង​រថយន្ត​១​គ្រឿង ម៉ាក​កាមរី​ហើម ពណ៌​សំបក​ឪឡឹក ពាក់​ស្លាក​លេខ ភ្នំពេញ​2l-7461 ដោយមាន​ផ្ទុក​ឈើ​ប្រណីត​ជិត​១០​ដុំ ។​

    ​សមត្ថកិច្ច​បានបញ្ជាក់​ថា ជនជាតិ​វៀតណាម​ដែល​បាន​ឃាត់ខ្លួន​នោះ ទី​១-​មានឈ្មោះ ង្វៀង វ៉ាន់​កុង ភេទ​ប្រុស អាយុ​៤៥​ឆ្នាំ រស់នៅ​ខេត្ត​បាក់​និ​ញ កាន់​លិខិតឆ្លងដែន​លេខ​B2856663​។ ទី​២-​ឈ្មោះ ខៀវ ធី​ហា​ញ់ ភេទ​ស្រី អាយុ​៤៤​ឆ្នាំ រស់នៅ​ខេត្ត​ថា​ញ់​ហ័​រ កាន់​លិខិតឆ្លងដែន​លេខ​B8931758 ហើយ​ឈ្មួញ​យួន​ទាំង​២​នាក់​នេះ​ចូលមក​ស្នាក់​នៅក្នុង​ក្រុង​បាន​លុង ដើម្បី​ប្រមូល​ទិញ​ឈើ​ប្រណីត​ដឹកជញ្ជូន​ចេញទៅ​វៀតណាម​ច្រើន​ឆ្នាំ​មកហើយ​។ ប្រភព​ខ្លះ​បាន​ឲ្យ​ដឹងថា ទាល់តែ​មានការ​ឃុបឃិត​ពី​សមត្ថកិច្ច​និង​មន្ត្រី​ជំនាញ​ពាក់ព័ន្ធ​ក្នុង​ខេត្តរតនគិរី ទើប​ឈ្មួញ​វៀតណាម​ឈ្មោះ ង្វៀង វ៉ាន់​កុង និង​ឈ្មោះ ខៀវ ធី​ហា​ញ់ អាច​ចូលមក​ស្នាក់នៅ និង​ប្រមូល​ទិញ​ឈើ​ក្នុង​ខេត្តរតនគិរី តាម​អំពើ​ចិត្ត​។​

    ​ប្រភពពី​ក្រុម​អ្នករកស៊ី​ជួញដូរ​ឈើ​នៅ​ខេត្តរតនគិរី​បាន​ឲ្យ​ដឹងថា បច្ចុប្បន្ននេះ​ឈ្មួញ​ជនជាតិ​វៀតណាម​ជាច្រើន​នាក់​អាច​ចូលមក​ប្រមូល​ទិញ​ឈើ និង​ដឹកជញ្ជូន​ឈើ​ប្រណីត​ចេញទៅ​វៀតណាម​តាម​ច្រកទ្វារ​អន្តរជាតិ​អូរ​យ៉ា​ដាវ និង​ច្រករបៀង​ផ្សេងៗ​ទៀត គឺមាន​ការឃុបឃិត​ពី​សំណាក់​សមត្ថកិច្ច​នៅ​ច្រកព្រំដែន និង​មន្ត្រី​ជំនាញ​ពាក់ព័ន្ធ​ជាច្រើន​ស្ថាប័ន ។ មាន​ឈ្មួញ​វៀតណាម​មាន​ច្រើនណាស់​ចូលមក​ប្រមូល​ទិញ​ឈើ និង​ដឹកជញ្ជូន​ឈើ​ប្រ​សេក​ប្រសាច​ចេញពី​ខេត្តរតនគិរី តែ​ពេលនេះ​ទើបតែ​ឃើញ​បង្ក្រាប​មួយ​ករណី​។​

    ​ជាក់ស្តែង​ពេលនេះ​មានតែ​ឈ្មួញ​វៀតណាម​តែ​២​នាក់​ប៉ុណ្ណោះ​ដែល​ត្រូវ​សមត្ថកិច្ច​ឃាត់ខ្លួន​បញ្ជូនទៅ​ការិយាល័យ​អន្តោប្រវេសន៍​នៃ​ស្នងការដ្ឋាន​នគរបាល​ខេត្តរតនគិរី ដើម្បី​ចាត់វិធានការ​តាមច្បាប់​។ ចំណែក​ឈ្មួញ​វៀតណាម​ជាច្រើន​នាក់​ទៀត​ដែល​រកស៊ី​មិន​លោតឆ័ត្រ​មានការ​ឃុបឃិត​ជាមួយ​សមត្ថកិច្ច​នៃ​ច្រកព្រំដែន និង​សមត្ថកិច្ច​ក្នុង​ខេត្តរតនគិរី នៅតែ​អាចធ្វើ​សកម្មភាព​ប្រមូល​ទិញ​ឈើ​ប្រណីត និង​ដឹកជញ្ជូន​ចេញទៅ​ស្រុក​យួន​តាម​ច្រកទ្វារ​អន្តរជាតិ​អូរ​យ៉ា​ដាវ និង​ច្រករបៀង​នានា​យ៉ាង​រំភើយ​ដដែល​៕

    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...