• ឧកញ៉ា សុឹង្ហ សំអុល នៅតែកាប់ឈើ​ក្នុង​តំបន់​ដែន​ជម្រក​សត្វ​ព្រៃភ្នំ​ព្រេច​ដឹក​ទៅ​វៀតណាម​តាមច្រក​ទ្វារ​ត្រពាំង​ស្រែ​ បំពាន​បទ​បញ្ជា​សម្តេចតេជោ​ក៏​គ្មាន​សមត្ថកិច្ច​ណា​ហ៊ាន​បង្ក្រាបឡើុយ!

  • លោកប្រធានមន្ទីរកសិកម្មខេត្តកំពង់ឆ្នាំង អំពាវនាវកសិករកុំកាប់ដើមកៅស៊ូចោល ព្រោះតម្លៃទីផ្សារជ័រកៅស៊ូបានកើនឡើងវិញហើយ
    ដោយ ខ្មែរអង្គរ  ថ្ងៃទី 5 May, 2017  ម៉ោង 09:35 | សេដ្ឋកិច្ច

    ខេត្តកំពង់ឆ្នាំង៖ លោក ងិន ហ៊ុន ប្រធានមន្ទីរកសិកម្ម រុក្ខាប្រម៉ាញ់ និងនេសាទខេត្តកំពង់ឆ្នាំង នៅល្ងាចថ្ងៃទី០៤ ខែឧសភា ឆ្នាំ២០១៧នេះ បានអំពាវនាដល់ប្រជាកសិករដែលបានដាំដើមកៅស៊ូនៅក្នុងខេត្តកំពង់ឆ្នាំង សូមកុំកាប់ដើមកៅស៊ូចោលអី ព្រោះថាទីផ្សារជ័រកៅស៊ូមានតម្លៃកើនឡើងវិញហើយ។

    លោកបានបន្តថា៖ កន្លងមកតម្លៃជ័រកៅស៊ូស្រស់នៅលើទីផ្សារមានការធ្លាក់ថ្លៃខ្លាំង ហេតុនេះហើយប្រជាកសិករមួយចំនួនដែលបានដាំដើមកៅស៊ូនៅក្នុងខេត្តកំពង់ឆ្នាំង បានបាក់ទឹកចិត្ត រហូតបានកាប់ដើមកៅស៊ូចោល ដើម្បីដាំជំនួសនូវដំណាំផ្សេងៗវិញ តែចូលដល់ឆ្នាំ២០១៧នេះ តម្លៃជ័រកៅស៊ូនៅលើទីផ្សារបានកើនឡើងវិញ។

    លោកបានបញ្ជាក់ថា នៅក្នុងខេត្តកំពង់ឆ្នាំងមានចំការកៅស៊ូប្រមាណ៤៥០ហិកតាហើយ គឺនៅក្នុងស្រុកទឹកផុស៣០០ហិកតា និងស្រុករលាប្អៀរ១៥០ហិកតា ដែលនេះជាលើកដំបូងបង្អស់របស់ខេត្តកំពង់ឆ្នាំង ដែលប្រជាកសិករបានជ្រើសរើសពូជដើមកៅស៊ូយកមកដាំបាន លើប្រភេទដីល្បាយខ្សាច់បែបនេះ។ ប្រជាកសិករមួយចំនួន នឹងអាចប្រមូលផលជ័រកៅស៊ូបាននៅចុងឆ្នាំ២០១៧ ឬដើមឆ្នាំ២០១៨ខាងមុខ ដែលសុខភាពដើមកៅស៊ូរបស់ពួកគាត់ មិនចាញ់ដើមកៅស៊ូដែលគេដាំនៅតំបន់ដីក្រហមឡើយ។

    លោក គឹម ឆុន ជាម្ចាស់ចំការកៅស៊ូនៅក្នុងភូមិវាលស្បូវ ឃុំតាំងក្រសាំង ស្រុកទឹកផុស បានរៀបរាប់ថា៖ គាត់មានចិត្តត្រេកអរខ្លាំងណាស់នៅពេលតម្លៃទីផ្សារជ័រកៅស៊ូកើនឡើងវិញ ហើយគាត់ក៍មានមោទនភាពដែរ ដែលមិនបានកាប់ដើមកៅស៊ូដែលខំដាំតាំងពីយូរនោះចោល។ លោកបានដាំដើមកៅស៊ូតាំងពីឆ្នាំ២០០៩ ជាង៣០ហិកតាគិតមកដល់ពេលនេះមានរយៈពេល៨ឆ្នាំ ហើយ នឹងដែលឆ្នាំនេះលោកនឹងប្រមូលផលជ័រកៅស៊ូហើយ។

    លោក គឹម ឆុន បានបន្តថា៖ ការដាំដើមកៅស៊ូនៅលើដីល្បាយខ្សាច់នេះ គឺលោកបានជ្រើសរើសយកពូជ ពីខេត្តកំពង់ចាម និងត្បូងឃ្មុំ មកបង្កាត់ផ្សាំទៅតាមបច្ចេកទេសជាមួយដើមកៅស៊ូដែលលោកបានបណ្តុះរួចជាស្រេច។ លោកបានបញ្ជាក់ថា ពេលនេះតម្លៃជ័រកៅស៊ូក្នុង១គីឡូក្រាមថ្លៃ៦ពាន់រៀល ដែលកាលពីឆ្នាំកន្លងទៅមានតម្លៃតែ២ពាន់រៀលតែប៉ុណ្ណោះក្នុង១គីឡូក្រាម ហើយលោកក៍សង្ឃឹមថាតម្លៃទីផ្សារជ័រកៅស៊ូ នឹងអាចឡើងថ្លៃបន្ថែមទៀតនៅពេលខាងមុខនេះ៕ ( ឈៀង ថារិទ្ធ )

    8580542017n_1 8580542017n_2 8580542017n_3
    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...