• ​ព្រៃឈើ​ខ្មែរ​វិនាស​ហិនហោច​ជា​រៀងរាល់ថ្ងៃ ដោយសារ​ក្រុមហ៊ុន លឹម​រ៉ូយ៉ាល់ និង​ពួក​ឈ្មួញ​មាន​អាងខ្នង​អ្នកមានអំណាច ដឹក​ញ្ជូ​ន​ទៅ​វៀតណាម​គ្មាន​លោះ​ថ្ងៃ តាម​ច្រក​ត្រពាំង​ស្រែ ស្រុក​ស្នួល ខេត្តក្រចេះ

    លោក​ផ្កាយ​១ នេ​ត សំ​អាត់ អនុប្រធាន​ការិយាល័យ​ទំនាក់ ទំនង​ព្រំដែន​ផឹកស៊ី​ស្រវឹង ខឹង​ក្មេងស្រី​រត់​តុ មិន​អង្គុយ​កំដរ​មិត្តភក្តិ​ទាញ​ចានចង្កឹះ​គប់​ចំក្បាល​បែក​ហូរឈាមកក្លាក់​ ​ត្រូវបាន​ដក​បញ្ឈរជើង តែ​មហាជន​សំណូមពរ​ឱ្យ​បញ្ជូនទៅ​តុលាការ !

    លោក កែវ វ៉ា​ន្នី ប្រធាន​សាខាគយ​ខេត្តតាកែវ លួច​បង្កើត​ប៉ុស្តិ៍​គយ​ចល័ត​២​កន្លែង ប្រមូល​លុយ​ពី​ឈ្មួញ​ដឹកទំនិញ​គ្រប់​ប្រភេទ​ពី​វៀតណាម ភូតភរ​ថ្នាក់លើ​ថា ត្រួតពិនិត្យ​ទំនិញគេចពន្ធ​!

    ក្រុម​អ្នក​រត់ការ​នាំចូល​ទំនិញ​តាម​ច្រក​ព្រលានយន្តហោះ​អន្តរជាតិ​ភ្នំពេញ អំពាវនាវ​ឱ្យ អគ្គនាយកដ្ឋាន​គយ ជួយ​លុប​ជួយ​បំបាត់ កោសរូស​ទារលុយ​ក្រោម​តុ​នៅ​ការិយាល័យ​គយ និង​រដ្ឋាករ​អាកាសយា​ន​ដ្ឋា​ន​អន្តរជាតិ​ភ្នំពេញ

  • បិទ​ការប្រកួត​កីឡា​មហាជន​ជ្រើសរើស​ជើងឯក​ថ្នាក់​ភូមិភាគ​ប្រចាំឆ្នាំ​២០១៤ ​កីឡាបាល់ទាត់​ខេត្តកំពង់ឆ្នាំង​ទទួលបាន​ចំណាត់ថ្នាក់​លេខ​១
    ដោយ ខ្មែរអង្គរ  ថ្ងៃទី 21 July, 2014  ម៉ោង 09:37 | កីឡា

    ​ខេត្តកំពង់ឆ្នាំង​៖​ ​ពិធី​បិទ​ការប្រកួត​កីឡា​មហាជន​ជ្រើសរើស​ជើងឯក​ថ្នាក់​ភូមិភាគ​ប្រចាំឆ្នាំ​២០១៤ បានធ្វើ​ឡើង​នៅ​ព្រឹក​ថ្ងៃទី​២០ ខែកក្កដា ឆ្នាំ​២០១៤ នៅក្នុង​ទីលាន​បាល់ទាត់​មុខ​សាលាខេត្ត​កំពង់ឆ្នាំង ដោយមាន​ការចូលរួម​លោក អ៊ុក សិទ្ធិ​ជាតិ អគ្គនាយក​កីឡា​ក្រសួង​អប់រំ លោក ហ៊ី ណាត អភិបាលរង​ខេត្តកំពង់ឆ្នាំង ព្រមទាំង​មន្ត្រី​គ្រប់​មន្ទីរ អង្គភាព​ជុំវិញ​ខេត្ត និង​សិស្សានុសិស្ស ប្រជាពលរដ្ឋ​ជាច្រើន​កុះករ​។​ ​ ​

    គណៈកម្មការ​រៀបចំ​កា​រ​ប្រកួត​កីឡា​បានអោយដឹងថា​៖ ដំណើរការ​ប្រកួត​កីឡា​មហាជន​ជ្រើសរើស​ជើងឯក​ថ្នាក់​ភូមិភាគ​ប្រចាំឆ្នាំ​២០១៤​នេះ នៅ​មណ្ឌល​ខេត្តកំពង់ឆ្នាំង​មាន​ខេត្ត​ចំនួន​៦​បាន​ចូលរួម​និង​មាន​រយៈពេល​១២​ថ្ងៃ​គឺ​ចាប់ពី​ថ្ងៃ​០៩​ដល់​ថ្ងៃទី​២០ ខែកក្កដា ឆ្នាំ​២០១៤ ដែល​ចាប់​តាំង​ផ្តើម​ដំណើការ​រហូតដល់​ថ្ងៃ​បញ្ចប់​នេះ​ទទួលបាន​លទ្ធផល​ល្អ​។​ចំពោះ​ប្រភេទ​កីឡា​រួមមាន បាល់ទាត់ បាល់ទះ បាល់បោះ និង​អត្តពលកម្ម ហើយ​ត្រូវ​ប្រើ​ទីលាន​ប្រកួត​២​កន្លែង​គឺ ទីលាន​បាល់ទាត់​នៅមុខ​សាលាខេត្ត និង​ទីលាន​កីឡាដ្ឋាន​ខេត្ត​វត្ត​ធម្មយុត្តិ​។​

    ​ជា​លទ្ធផល​ក្នុងការ​ការប្រកួត​រយៈ​ពេល​១២​ថ្ងៃនេះ​គឺ កីឡាបាល់ទាត់​លេខ​១​ត្រូវបាន​ទៅលើ​ក្រុម​កីឡាករ​ខេត្តកំពង់ឆ្នាំង លេខ​២​ខេត្តព្រៃវែង និង​លេខ​៣​ខេត្តកំពង់ធំ​,​កីឡាបាល់ទះ លេខ​១​បាន​ទៅលើ​ក្រុម​កីឡាករ​ខេត្តព្រៃវែង លេខ​២​ខេត្តកំពង់ចាម និង​លេខ​៣​ខេត្តកំពង់ឆ្នាំង​,​កីឡាបាល់បោះ លេខ​១​ត្រូវបាន​ទៅលើ​ក្រុម​កីឡាករ​ខេត្តកំពង់ចាម លេខ​២​ខេត្តកំពង់ឆ្នាំង និង​លេខ​៣​ខេត្តកំពង់ធំ​។​ដោយឡែក​អត្តពលកម្ម​វិញ​លេខ​១​ត្រូវបាន​ទៅលើ​ក្រុមកីឡា​ខេត្តកំពង់ធំ លេខ​២​ខេត្តស្វាយរៀង លេខ​៣​ខេត្តកំពង់ឆ្នាំង​។​ ​

    ក្នុង​ពិធី​បិត​ការប្រកួត​កីឡា​នេះ​លោក លោក អ៊ុក សិទ្ធិ​ជាតិ​បាន​ថ្លែងថា​៖ កម្មវិធី​ប្រកួត​កីឡា​មហាជន​ជ្រើសរើស​ជើងឯក​ថ្នាក់​ភូមិភាគ​នេះ​បានបង្ហាញ​ពី​ការវិវត្តន៍​រីកចំរើន​វិស័យ​កីឡា​គ្រប់​ខេត្ត ស្រប​នឹង​ការរីកចំរើន​លើ​គ្រប់​វិស័យ​ផ្សេងៗ​ទៀត ។​កីឡា​គឺជា​សកម្មភាព​មិនអាច​ខ្វះ​បាន​ក្នុងការ​អភិវឌ្ឍន៍​សង្គម សេដ្ឋកិច្ច និង​ធនធានមនុស្ស ព្រោះ​កីឡា​បាន​នាំមក​នូវ​សុខមាលភាព វប្បធម៌​នៃ​សន្តិភាព ហើយ​រួមចំណែក​បំបាត់​អំពើហិង្សា ការប្រើប្រាស់​គ្រឿងញៀន​។ បច្ចុប្បន្ននេះ​នៅលើ​ពិភពលោក បានចាត់ទុក​វិស័យ​កីឡា​ជា​ឧស្ស​ហ​កម្មដ៍​មាន​សក្តានុពល​នៅក្នុង​វិស័យសេដ្ឋកិច្ច មាន​តួនាទី​សំខាន់​ក្នុង​វិស័យ​ទេសចរណ៍ បង្កើន​ប្រាក់ចំណូល​ដល់​ប្រជាពលរដ្ឋ​។​ ​ ​

    លោក​អគ្គនាយក បានធ្វើការ​កោត​ស​សើរ​ចំពោះ​ទឹក​ចិត្តជា​កីឡា​របស់​កីឡាករ​កីឡា​ការ​នី​ទាំងអស់ ដែល​ក្នុងពេល​ប្រកួត​បាន និង​សាមគ្គី​គ្នា យោគយល់​គ្នា​ល្អ ហើយ​បានធ្វើ​ការប្រកួត​កីឡា​ទៅតាម​បច្ចេកទេស បទ​បញ្ញា​តិ និង​បទពិសោធន៍ ដោយ​មិន​បាតុភាព​អ្វី​លើក​មាន​ឡើយ​ក្នុងពេល​ប្រកួត​។​ ​ ​

    ​គណៈអធិបតី​បានប្រគល់​មេដៃ​ចំណាត់ថ្នាក់​ជូន​ដល់​ក្រុម​កីឡាករ​កីឡា​ការ​នី​ដែល​ទទួលបាន​ជ័យលាភី​ថ្នាក់​លេខ​១ លេខ​២ និង​លេខ​៣ គ្រប់​វិញ្ញាសារ​កីឡា​មកពី​៦​ខេត្ត​ក្រុង ព្រមទាំង​បាន​ថ្លែងអំណរគុណ​យ៉ាង ជ្រាលជ្រៅ​ផងដែរ​ដល់​មន្ទីរ​អង្គភាព​ជុំវិញ​ខេត្ត​អាជ្ញាធរខេត្ត​និង​សមត្ថកិច្ច​ក្នុង​ខេត្ត​ដែល​បាន​ជួយ​ការពារ​និង​លើកទឹកចិត្ត​ដល់​កីឡាករ​កីឡា​ការ​នី​ក្នុង​កម្មវិធី​ប្រកួត​រយះពេល​១២​ថ្ងៃ​កន្លងមកនេះ​ដែល​បានទទួល​លទ្ធផល​ល្អ​គួរ​ជាទី​មោ​ទ​នះ​។​ ​ ​

    ក្រុម​កីឡាករ កីឡា​ការ​នី​ក្នុង​ខេត្តកំពង់ឆ្នាំង​សូម​សំណូមពរ​ដល់​លោក​អភិបាលខេត្ត និង​លោក​ប្រធាន​មន្ទីរ​អង្គភាព​ជុំវិញ​ខេត្ត​មេត្តាជួយ​លើកស្ទួយ​វិស័យ​កីឡា​ក្នុង​ខេត្ត​ផង ព្រោះថា​នៅក្នុង​ការប្រកួត​កីឡា​ថ្នាក់​ភូមិភាគ​ពេលនេះ​ការឧបត្ថម្ភ​និង​គិតគូរ​ដល់​កីឡាករ​ក្នុង​ខេត្ត​មានការ​ថយចុះ​ធ្វើអោយ​ក្រុម​កីឡាករ​ជួបប្រទះ​ការលំបាក​ក្នុងការ​ហូបចុក​ជីវភាព​ស្នាក់នៅ ការឧបត្ថម្ភ​មិន​គ្រប់គ្រាន់ ខ្វះ​ការលើក​ទឹ​ត​ចិត្ត ដែល​បញ្ហា​នេះ​អាចធ្វើអោយ​វិស័យ​កីឡា​ក្នុង​ខេត្ត​មានការ​ធ្លាក់ចុះ ព្រោះតែ​មិនសូវមាន​អ្នកគាំទ្រ​៕ ដោយ រិ​ទ្ធិ ជ័យ ​

    DSC04224

    DSC04199

    DSC04212

     

    DSC04228 DSC04234

    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...