• KA-28-07-2015-01

    បទល្មើស​កាប់​ឈើ ​និង​ដឹក​​​ជ​ញ្ជួ​ន​​​​​ឈើ​​គ្រប់​ប្រភេទ​ឆ្លងដែន​​ទៅប្រទេស​​វៀតណាម​យ៉ាង​​​អនា​​ធិបតេ​យ្យ​ទាមទារ​​ឲ្យ​លោក ​ឡុង ​ហុក​ម៉េង​ ​​​​​​​​​​​​​ព្រះរា​ជ​អាជ្ញា​អម​​សាលា​​ដំបូង​ខេត្តមណ្ឌលគិរី​មាន​វិធានការ​បង្ក្រាប​​

    KA-09-07-2015-01

    លោក អេង សុ​ភេ​ន រង​ការចោទប្រកាន់ថា ជម្រុញ​ឲ្យ​ពលរដ្ឋ​កាប់​ព្រៃ​យក​ដី​រាប់ពាន់​ហិច​តា​នៅ​ចំណុច​៥៥ ដោយ​ប្រមូល​លុយ​មួយ​ប្លង់​២០០​ដុល្លារ​យកទៅ​រត់ការ​សុំ​សិទ្ធិ​កាន់កាប់​ពី​រាជរដ្ឋាភិបាល

    KA-23-05-2015-09

    លោក រស់ សុ​គុន្ធ អតីត​ប្រធាន​ភូមិបាល​ស្រុក​ស្ទឹងហាវ ធ្វើ​របង​ថ្ម​ចំ​កណ្តាល​អូរ ហើយ​ចាក់ដី លុប​បំពេញ​វាទី​យក​ធ្វើជា​កម្ម​សិទ្ធ បង្ក​ការលិចលង់​ផ្ទះ​ប្រជាពលរដ្ឋ ដែល​ធ្វើ​ឲ្យ​ប្រជាពលរដ្ឋ​អស់ជំនឿ​លើ​អាជ្ញាធរ​

  • ក្រដាសប្រាក់​ប្រភេទ​២០០០​រៀល​ថ្មី ត្រូវបាន​រាជរដ្ឋាភិបាល​សម្តេច​តេ​ជោ ប្រកាស​ចាយ​
    ដោយ ខ្មែរអង្គរ  ថ្ងៃទី 10 November, 2013  ម៉ោង 05:52 | ព័ត៌មាន​ជាតិ

    ​រាជធានី​ភ្នំពេញ ៖ ក្រដាសប្រាក់​ប្រភេទ ២០០០​រៀល​ថ្មី ត្រូវបាន​រាជរដ្ឋាភិបាល​សម្តេច​តេ​ជោ ប្រកាស​ឲ្យ​ចាយវាយ​ជា​ផ្លូវការ​ហើយ ក្នុងឱកាស​បុណ្យ​ឯករាជ្យ​ជាតិ​ខួប​លើក​ទី ៦០ ឆ្នាំ (៩-​វិច្ឆិកា​-១៩៥៣ – ៩-​វិច្ឆិកា​-២០១៣)​។ នេះ​បើ​យោងតាម​អនុក្រឹត្យ​ស្តីពី​ការចេញផ្សាយ​ធនប័ត្រ អនុស្សាវរីយ៍​ប្រភេទ ២០០០​រៀល ដែល​ប្រកាស​ជា​ផ្លូវការ​នៅ​ថ្ងៃទី​៨ ខែវិច្ឆិកា ឆ្នាំ​២០១៣ ដោយ​សម្ដេច​តេ​ជោ ហ៊ុន សែន ។​ ​

    យោងតាម​អនុក្រឹត្យ​ស្តីពី​ការចេញផ្សាយ​ធនប័ត្រ អនុស្សាវរីយ៍​ប្រភេទ ២០០០​រៀល ដែល​រាជរដ្ឋាភិបាល​បានប្រកាស​ជា​ផ្លូវការ​នៅ​ថ្ងៃទី​៨ ខែវិច្ឆិកា ឆ្នាំ​២០១៣ ដោយ​សម្ដេច​តេ​ជោ ហ៊ុន សែន បានសម្រេច​ដូចតទៅ ៖ អនុញ្ញាត​ឲ្យ​ចេញផ្សាយ ធ្វើចរាចរ និង​ប្រើប្រាស់​ក្នុង​ទូទាំង​ព្រះរាជាណាចក្រ​កម្ពុជា​នូវ​ធនប័ត្រ​អនុស្សាវរីយ៍​ប្រភេទ ២០០០​រៀល ទន្ទឹមនឹង​បណ្ដា​ប្រភេទ​ក្រដាសប្រាក់ ដែល​ត្រូវបាន​ចេញផ្សាយ​រួចហើយ​។​ ​

    ធនាគារជាតិ​នៃ​កម្ពុជា មាន​ភារកិច្ច​ចេញ​សេចក្តីប្រកាស ដើម្បី​ផ្សព្វផ្សាយ​ពី​លក្ខណៈ​សម្គាល់​នៃ​ធនប័ត្រ​អនុស្សាវរីយ៍​ប្រភេទ ២០០០​រៀល​នេះ ។ រដ្ឋមន្ត្រី​ទទួលបន្ទុក​ទីស្តីការគណៈរដ្ឋមន្ត្រី អគ្គទេសាភិបាល ធនាគារជាតិ​នៃ​កម្ពុជា រដ្ឋមន្ត្រី រដ្ឋលេខាធិការ គ្រប់​ក្រសួង ស្ថាប័ន និង​អភិបាល​រាជធានី​-​ខេត្ត ត្រូវ​ទទួលបន្ទុក​អនុវត្តន៍​អនុក្រឹត្យ​នេះ តាម​ភារកិច្ច​រៀងៗ​ខ្លួន ចាប់​ពីថ្ងៃ​ចុះហត្ថលេខា​នេះ​តទៅ​៕ នាយ​ចាន់​ ​

    1388520_685041274839589_517130061_nkakajaka

    loading...